BYRJENDANÁMSKEIÐ BATTA
Góður grunnur skiptir öllu máli – og því fyrr sem hann er lagður, því betra.
Byrjendanámskeið BATTA er ætlað börnum fæddum 2018–2020 sem vilja bæta færni sína með bolta í skemmtilegu og hvetjandi umhverfi.
Á námskeiðinu leggjum við áherslu á grunnatriðin sem við teljum lykilinn að góðum fótboltamanni: sendingar, móttökur, boltameðferð og umhverfisskynjun. Strax frá upphafi venjum við iðkendur á að nota bæði hægri og vinstri fót og að líta upp, átta sig á umhverfinu og taka góðar ákvarðanir með boltann.
Æfingarnar eru sérstaklega lagaðar að aldri og getu barnanna. Markmiðið er að þau fái margar snertingar á boltann, öðlist aukið öryggi og sjálfstraust og læri rétta tækni frá byrjun – á sama tíma og þau hafa gaman af.
ATH það eru tveir að æfa saman og þegar skráning er gerð þá þarf að tilgreina í athugasemd með hvaða öðru barni sem verður skráð það ætlar að æfa með.
Á byrjendanámskeiði þarf alltaf að skrá tvo iðkendur saman. Stór hluti þjálfunarinnar byggir á æfingum tveggja og tveggja, sérstaklega þegar kemur að sendingum og móttökum. Þannig fá iðkendurnir meiri tíma með boltann, fleiri endurtekningar og markvissari þjálfun.
Um BATTA
BATTAR hafa rekið einkaþjálfun í knattspyrnu í meira en 10 ár.
Þjálfarar BATTA leggja mikinn metnað í þjálfunina, að hún sé einstaklingsmiðuð og æfingarnar sniðnar að getu hvers og eins iðkanda.
Rík áhersla er lögð á jákvætt og uppbyggilegt andrúmsloft á æfingum, sem ýtir undir og styrkir sjálfstraust iðkenda.
BATTAR eru í eigu Total tempo ehf.
Total tempo ehf. er tæknifélag og vinnur að því að tæknivæða búnað í knattspyrnuþjálfun, s.s. keilur og mörk.
Iðkendur sem binda sig í 5 eða 10 mánuði hjá BÖTTUM fá aðgang að sérstökum aukaæfingum utandyra í vetur.
Aukaæfingarnar fara fram um helgar, á laugardögum og sunnudögum, tvisvar í mánuði og eru leiddar af þjálfara frá BÖTTUM.
Á æfingunum er meðal annars notaður sérhæfður æfingabúnaður Total Tempo og lögð áhersla á fjölbreyttar og krefjandi æfingar sem styðja við þá þjálfun sem iðkendur fá hjá BÖTTUM.
Unnið verður áfram með okkar helstu áherslur – sendingar, móttökur, umhverfisskynjun, hraða og viðbrögð – og iðkendur fá þannig enn fleiri endurtekningar og tækifæri til að þróa færni sína.
Aukaæfingarnar eru innifaldar fyrir alla sem skuldbinda sig í 5 eða 10 mánuði hjá BÖTTUM.
Við trúum því að góðar venjur sem lærast snemma fylgi leikmönnum áfram og gefi þeim sterkan grunn til að byggja ofan á.
Byrjum rétt. Byggjum góðan grunn. Höfum gaman.
Markmiðið okkar er skýrt:
ALLIR VERÐA BETRI Í BÖTTUM!
Iðkendur
Í Böttum æfa iðkendur á öllum aldri og getustigum, allt frá 7–8 ára byrjendum til reyndra leikmanna, þar á meðal landsliðsmanna sem vilja halda leikformi. Æfingar eru við allra hæfi og aðlagaðar að getu og hraða hvers og eins, með markvissri aukningu í hraða og kröfum eftir því sem færni eykst.
Skráning
Skráning fer fram í gegnum skráningarsíðu. Allir nýir iðkendur fá frían fyrsta tíma þar sem farið er yfir grunnæfingar í þjálfunarkerfinu. Í þeim tíma eru Tempo-stig iðkenda reiknuð út, sem nýtast til að tryggja rétta samsetningu hópa og viðeigandi áskoranir í áframhaldandi þjálfun.
Fyrirkomulag
Eftir prufutímann er fundinn fastur æfingatími fyrir hvern iðkanda. Langflestir mæta einu sinni í viku, en sumir tvisvar í viku. Að jafnaði eru þrír iðkendur saman í tíma með einum þjálfara, en yngri iðkendur eru tveir í hóp með þjálfara. Lögð er mikil áhersla á að para saman iðkendur sem eru á svipuðu getustigi, þar sem markmiðið er að allir nái hámarksárangri og stöðugum framförum.
Áherslur í þjálfun
Í einkaþjálfuninni er megináhersla lögð á sendingar, fyrstu snertingu og móttöku á bolta. Framkvæmd, nákvæmni og hraði sendinga, móttaka og fyrsta snerting á bolta, rétt beiting hægri og vinstri fótar, líkamsstaða við móttöku og sendingu á bolta eru meðal þeirra fjölmörgu atriða sem lögð er áhersla á í þjálfuninni. Auk þessa leggjum við mikla áherslu á að bæta umhverfisskynjun leikmanna og hraða og rétta ákvarðanatöku þeirra.
Ánægðir viðskiptavinir
“BATTAR eru frábærir fyrir alla aldurshópa. Skemmtilegar og fjölbreyttar æfingar sem hjálpa manni mjög mikið tæknilega. Èg bætti snúninga, sendingar og fyrstu snertinguna mikið eftir að èg byrjaði að æfa hjá þeim. Èg mæli klárlega með þessum æfingum fyrir alla sem vilja bæta sig sem knattspyrnumenn.”
„Ég byrjaði ungur að æfa hjá BÖTTUM og þetta hjálpaði mér gríðarlega mikið. Sendingar, fyrsta snerting og umhversskynjun. Ég mæti enn til þeirra þegar ég er í fríi og var t.d. allt sumarið 2025.“
Staðsetning
Gengið er inn frá Dalbrekku, vinstra megin við CrossFit XY.
Heimilisfang hússins er Auðbrekka 23, en ekki er gengið inn frá Auðbrekku.